Mašyna z Kazulinym i dźviuma jaho dočkami była zatrymanaja supracoŭnikami DAI pa darozie ŭ Dziaržynsk, la vioski Vasileŭščyna. Pavodle słovaŭ milicyjantaŭ, im «nadyšoŭ zahad spynić mašynu». Nibyta, na praspekcie Niezaležnaści aŭtamabil nie prapuściŭ piešachoda i stvaryŭ avaryjnuju sytuacyju.
Alaksandar Kazulin jechaŭ na pachavańnie cieścia z mohiłak, dzie pachavanaja jaho žonka Iryna. Pachavańnie pačynajecca u 12.00 i Kazulin nie paśpiavaje praz zatrymańnie.
«Z učorašniaha dnia mianie ŭsiudy supravadžajuć try nieviadomyja mašyny. Siońnia ranicaj byŭ abrabavany moj aŭtamabil. Ciapier ja nie mahu trapić na pachavańnie. Łukašenka pracuje na śvij imidž. Navat u žałobny dzień jon nia moža nia cisnuć na mianie. Heta moža jaho asabisty zahad, abo zahad jaho padnačalenych», - adznačyŭ A.Kazulin.
Ranicaj byŭ abrabavany aŭtamabil «Volva», jaki naležyć Alaksandru Kazulinu.
Z aŭtamabila źnikli dakumenty svajaka Alaksandra Kazulina, jaki karystaŭsia mašynaj.
Aproč taho, siońnia zaznaŭ ddos-ataku sajt Alaksandra Kazulina. Ciapier sajt nie pracuje.
Nahadajem, palitźniavoleny byŭ vyzvaleny z turmy ŭčora. Siońnia jon voźmie ŭdzieł u pachavańni cieścia.
Krynica ŭ Administracyi prezidenta Biełarusi paćvierdziła BiełaPAN infarmacyju ab tym, što 15 žniŭnia Alaksandr Łukašenka padpisaŭ ukaz ab pamiłavańni Alaksandra Kazulina.
Jak zajaviŭ BiełaPAN juryst i były advakat A. Kazulina Ihar Rynkievič,
zhodna ź biełaruskim zakanadaŭstvam dla vyrašeńnia pytańnia ab pamiłavańni pryznańnie źniavolenym svajoj viny nie źjaŭlajecca abaviazkovaj umovaj.
