Va Ukrainie dola ludziej, jakija doma razmaŭlajuć pa-ŭkrainsku, upieršyniu pieravysiła pałovu i składaje 50,6%.
Heta vynik apytańnia, praviedzienaha kansorcyumam ukrainskich sacyjałahičnych słužbaŭ.
Pa-rasiejsku doma razmaŭlajuć 24% nasielnictva. Jašče stolki ž užyvaje i rasiejskuju, i ŭkrainskuju movy.
Heta rekordny pakazčyk za čas praviadzieńnia anałahičnych apytańniaŭ. Pa-pieršaje, rasiejskamoŭnyja rehijony Danbasa i Krym akazalisia pad akupacyjaj. Ale i ŭ rešcie krainy pakazčyk prosta raście.
Adnačasova rekordnaja dola apytanych nazvali siabie ŭkraincami pa nacyjanalnaści — 90%. Dla paraŭnańnia: na pierapisach 1989 i 2001 hadoŭ ukraincami nazyvali siabie 73 i 78% ludziej. Iznoŭ ža, na rost ličby paŭpłyvała akupacyja rajonaŭ, dzie rasiejcaŭ była bolšaść. Ale i ŭsio bolšaja dola moładzi ličyć siabie ŭkraincami, bo vyrasła va Ukrainie.
Rost doli ŭkrainskamoŭnych aznačaje, što moŭnaje adradžeńnie va Ukrainie idzie paśpiachova. Ruskaja mova pieravažała va Ukrainie z 1970-ch da 1990-ch, kali sa zdabyćciom dziaržaŭnaj niezaležnaści kraina pačała kurs na ŭkrainizacyju.