Kamitet Sienata ZŠA pa ŭzbrojenych siłach, jaki ŭznačalvaje sienatar Džon Makkiejn, prapanuje pačać raspracoŭku rakiety siaredniaj dalokaści, vyłučyć srodki na padtrymku sajuźnikaŭ u Jeŭropie, a taksama dać śmiarotnuju abarončuju dapamohu Ukrainie, paviedamlaje «JeŭraPraŭda» sa spasyłkaj na The Voice of America.
Kamitet Sienata pa ŭzbrojenych siłaz, jaki ŭznačalvaje respublikaniec ad štata Aryzona Džon Makiejn, zaklikaŭ da pryniaćcia novych mier pa supraćdziejańni varožym dziejańniam Rasii za miažoj.
Siarod hetych mier, pryniatych 27 sienatarami, — raspracoŭka novaj prahramy stvareńnia nastupalnaj rakietnaj zbroi naziemnaha baziravańnia, zabarona na vykarystańnie Pientahonam prahramnaha zabieśpiačeńnia rasijskaj kampanii i patrabavańnie ab tym, kab Pientahon daŭ spravazdaču pierad zakanadaŭcami ab rasijskaj hibrydnaj vajnie.
Padrychtavany kamitetam varyjant zakonaprajekta ab asihnavańniach na nacyjanalnuju abaronu na 2018 hod, uchvaleny ŭ sieradu ŭviečary, taksama praduhledžvaje vydzialeńnie Ukrainie dapamohi ŭ śfiery biaśpieki ŭ pamiery 500 miljonaŭ dalaraŭ dla baraćby z prarasijskimi sieparatystami, uklučajučy pastaŭki abarončaj śmiarotnaj zbroi.
Jon taksama praciahvaje dziejnuju zabaronu na naŭprostaje supracoŭnictva Pientahona z rasijskimi vajskoŭcami, uviedzienuju paśla anieksii Kryma ŭ 2014 hodzie.
Akramia taho, Kamitet uchvaliŭ vydzialeńnie 4,6 młrd dalaraŭ na Jeŭrapiejskuju inicyjatyvu strymlivańnia — prajekt Pientahona, naceleny na ŭmacavańnie biaśpieki na ŭschodnim fłanhu Jeŭropy.
«Kamitet ličyć, što Złučanyja Štaty pavinny pryniać dadatkovyja miery dla strymlivańnia rasijskaj ahresii, budź to za jaje miežami abo ŭ kibierprastory, — havorycca ŭ apisańni zakonaprajekta. — Rasija praciahvaje akupavać Krym, destabilizavać situacyju va Ukrainie, pahražaje našym sajuźnikam (pa NATA), parušaje Damovu ab likvidacyi rakiet siaredniaj i małoj dalokaści (RSMD) i padtrymlivaje režym Asada ŭ Siryi».
Zakonaprajekt sankyjanuje vyłučeńnie 65 młn dalaraŭ u prahramu daśledavańniaŭ i raspracoŭki rakiety siaredniaj dalokaści naziemnaha bazavańnia, kab pačać skaračać razryŭ, jaki ŭźnik u vyniku parušeńni Rasijaj damovy ab RSMD, ale tak, kab heta nie było parušeńniem damovy z boku ZŠA.
Paviedamlajecca, što anałahičny Kamitet Pałaty pradstaŭnikoŭ Kanhresa ZŠA pryniaŭ svoj varyjant zakonaprajekta ab asihnavańniach na nacyjanalnuju abaronu na 2018 hod.
