Prezident ZŠA Donald Tramp na palach samitu «Vialikaj dvaccatki» ŭ Hiermanii sustreniecca z rasijskim kaleham Uładzimiram Pucinym. Pra heta raspavioŭ žurnalistam staršy savietnik amierykanskaha lidara pa nacyjanalnaj biaśpiecy Hierbiert Makmaster, pieradajuć infarmahienctvy sa spasyłkaj na Reuters.
Pavodle jaho słoŭ, paradak dnia majučaj adbycca na nastupnym tydni sustrečy dvuch prezidentaŭ jašče nie vyznačany.
Tramp i Pucin jašče asabista nie sustrakalisia, adnak niekalki razoŭ razmaŭlali pa telefonie.
Raniej 29 červienia ministr zamiežnych spraŭ Hiermanii Zihmar Habryel vykazaŭ nadzieju, što padčas samitu «Vialikaj dvaccatki» ŭ Hamburhu atrymajecca arhanizavać sustreču prezidentaŭ Rasii i ZŠA. Pamočnik rasijskaha prezidenta Juryj Ušakoŭ raspavioŭ, što siarod zapłanavanych sustreč Pucina na samicie značacca pieramovy z francuzskim kaleham Emanuelem Makronam, prezidentam Paŭdniovaj Karei Mun Čže Inam, a taksama z premjer-ministram Japonii Sindza Abe. Pres-sakratar rasijskaha lidara Dźmitryj Piaskoŭ nieadnarazova adznačaŭ, što paŭnavartasnaja sustreča z prezidentam ZŠA pakul nie rychtujecca.
Samit «Vialikaj dvaccatki» projdzie ŭ Hamburhu 7-8 lipienia. Siarod asnoŭnych tem niamieckaha staršynstva kancler FRH Anhieła Mierkiel nazvała baraćbu sa źmianieńniem klimatu, padtrymku svabodnaha handlu, mihracyjnuju palityku, a taksama baraćbu z teraryzmam.
