Hrupa daśledčykaŭ univiersiteckaha kaledža Łondana apytała bolš za vosiem tysiač čałaviek ab ich spažyvańni cukru. Respandentaŭ apytvali z 1985 pa 1988 hady, u nastupnyja hady jany čas ad času zapaŭniali apytalnyja listy.
«Bolš vysokaje ŭžyvańnie cukru ŭ sałodkich praduktach abo napojach źviazanaje z pavyšanaj imaviernaściu zachvareć na adno z raspaŭsiudžanych rasstrojstvaŭ psichiki (CMD) u mužčyn na praciahu piaci hadoŭ», — havorycca ŭ daśledavańni, apublikavanym na partale Nature. Pad CMD majucca na ŭvazie takija stany, jak depresija i tryvoha.
Pradstaŭnik brytanskaj dyjetałahičnaj asacyjacyi Ketryn Kolinz zajaviła, što rekamiendacyi vučonych «nie dakazanyja», bo dadzienyja ab spažyvańni cukru jany atrymlivali sa słovaŭ respandentaŭ, i nie ŭličvaŭsia cukar u ałkaholnych napojach.
«Kali ŭžyvać mienš svabodnych cukroŭ, to heta karysna dla zuboŭ, moža być, dla vahi taksama. Ale chiba heta abarona ad depresii? Heta nie dakazana», — cytuje Kolinz ahienctva Frans Pres.
