Učora ŭviečary ŭ race Sož blizu vioski Barysaŭka ŭ Klimavickim rajonie, ratujučy ułasnych dziaciej, patanuŭ 40-hadovy klimaŭčanin. Adbyłasia trahiedyja na miescy, nie pryznačanym dla kupańnia, paviedamlaje sb.by.
Adrazu niekalki siemjaŭ klimaŭčan ź dziećmi vyrašyli z načleham raźmiaścicca na bierazie. Pierš za ŭsio spuścili na vadu nadzimany dziciačy vyratavalny kruh, ź jakim na płytkavodździ hulali dzieci, a sami, pakinuŭšy nazirać za dziećmi adnaho z darosłych, zanialisia dobraŭparadkavańniem stajanki. Płyń na Sožy mocnaja, i kruh z adnym z chłopčykaŭ stała vynosić pa race. Naziralnik zaŭvažyŭ heta nie adrazu. Adna ź dziaŭčynak pasprabavała dapamahčy, ale abaich dziaciej na kruzie stała vynosić płyńniu dalej.
Pra padrabiaznaści trahiedyi raspavioŭ inśpiektar prapahandy i ŭzajemadziejańnia z hramadskaściu Klimavickaha RANS Raman Piaśkoŭski:
«Kali čałaviek, jaki naziraŭ za dziećmi, paviedamiŭ ab nadzvyčajnaj situacyi, pieršym prosta ŭ adzieńni kinuŭsia ratavać dziaciej 40-hadovy baćka dvaich ź ich. Płavaŭ jon dobra, ale, nie paśpieŭšy adpłyć daloka ad bieraha, trapiŭ u jamu ź viram, jakimi poŭnaje padstupnaje dno Soža. U ličanyja siekundy vir zaciahnuŭ jaho na dno. U hety čas ratavać dziaciej kinuŭsia miascovy žychar, jaki adpačyvaŭ na inšym bierazie — jamu ŭdałosia transpartavać płavalny srodak ź dzietkami ŭ biaśpiečnaje miesca. Padaśpieli vyratavalniki, naciahnuŭšy tros pamiž bierahami, dapamahli dzieciam pierabracca nazad».
Zahinułaha dastali ŭ toj ža dzień niedaloka ad miesca trahiedyi vadałazy Kryčaŭskaj vyratavalnaj stancyi i ratavalniki Klimavickaha RANS.
