Sudom Partyzanskaha rajona Minska da vaśmi hadoŭ pazbaŭleńnia voli za ŭčynieńnie hvałtoŭnych dziejańniaŭ seksualnaha charaktaru ŭ dačynieńni da małaletnich prysudžany doktar-aniestezijołah-reanimatołah Respublikanskaha navukova-praktyčnaha centra dziciačaj ankałohii, hiematałohii i imunałohii.
Supracoŭnikami Hałoŭnaha ŭpraŭleńnia pa narkakantroli i supraćdziejańni handlu ludźmi kryminalnaj milicyi MUS Respubliki Biełaruś ustanoŭlena, što z 2012 pa 2015 hady ad dziejańniaŭ piedafiła paciarpieli vosiem chłopčykaŭ.
Supraćpraŭnyja dziejańni doktar ździajśniaŭ pry supravadžeńni hrupy dziaciej, jakija pieranieśli ankałahičnyja zachvorvańni, u Italiju i Niamieččynu.
Pajezdki arhanizoŭvalisia z metaj azdaraŭleńnia adnym ź biełaruskich hramadskich abjadnańniaŭ. Akramia taho, złačynstvy ŭčynialisia nie tolki na terytoryi zamiežnych dziaržaŭ, kudy doktar vyjazdžaŭ z padapiečnymi, ale i ŭ Biełarusi.
Dziejańni mužčyny nie nasili jarka vyjaŭlenaha seksualna-hvałtoŭnaha charaktaru, fizičny hvałt praktyčna nie ŭžyvaŭsia, a dušyłasia vola paciarpiełych. U asnoŭnym doktaram vykarystoŭvałasia biezdapamožny stan dziaciej u siłu ich psichičnaha raźvićcia i indyvidualna-psichałahičnych asablivaściaŭ.
Niahledziačy na šerah składanaściaŭ, jakija ŭźnikli pry zbory dokaznaj bazy, psichałahičnyja aśpiekty, a taksama daŭnaść padziej, apieratyŭnikam HUNiPHŁ MUS u ciesnym uzajemadziejańni z kalehami sa Śledčaha kamiteta ŭdałosia zadakumientavać i atrymać vyčarpalnyja dokazy viny doktara ŭ ździajśnieńni asabliva ciažkich złačynstvaŭ, praduhledžanych č. 3 art. 167 KK Respubliki Biełaruś. Jamu pryznačana pakarańnie ŭ vyhladzie 8 hadoŭ pazbaŭleńnia voli, bo heta maksimalny termin pakarańnia za hetyja ŭčynki, praduhledžany ŭ Italii i Hiermanii. U adpaviednaści ź biełaruskim zakanadaŭstvam złačyncu nie moža być pryznačana pakarańnie, bolš surovaje, čym toje, jakoje praduhledžana ŭ tych krainach, dzie było ździejśniena złačynstva.
