Palityk i były palitviazień Mikałaj Statkievič zaklikaŭ ludziej prychodzić 8 vieraśnia a 19:00 na Kastryčnickuju płošču. Statkievič maje namier pravieści akcyju pratestu suprać vajskovych vučeńniaŭ «Zachad-2017». Mierapryjemstva prymierkavanaje da Dnia biełaruskaj vajskovaj słavy.
Napiaredadni Mikałaj Statkievič nakiravaŭ list u Minharvykankam, dzie prainfarmavaŭ haradskija ŭłady pra akcyju. «U adpaviednaści z pravam, harantavanym artykułam 35 Kanstytucyi Respubliki Biełaruś i padpisanymi našaj krainaj mižnarodnymi pahadnieńniami, paviedamlaju pra namier Biełaruskaha Nacyjanalnaha Kanhresu pravieści jaje na Kastryčnickaj płoščy», — napisaŭ palityk.
Papiaredniaja akcyja Statkieviča prachodziła 3 Lipienia — na aficyjny Dzień Respubliki. Na jaje pryjšło niekalki sotniaŭ čałaviek. Užo postfaktum mnohija ŭdzielniki mierapryjemstva atrymali administracyjnyja aryšty. Sam Statkievič jašče nie adbyŭ 15-sutkavy aryšt. Jon paprasiŭ žurnalistaŭ pryjści da jaho dadomu, kab nie było previentyŭnaha zatrymańnia.
Paralelna svajo, aficyjna dazvolenaje mierapryjemstva da Dnia vajskovaj słavy, ładzić Kansiervatŭyna-chryścijanskaja partyja BNF. Jano projdzie ŭ Kijeŭskim skviery — heta kala druhoha transpartnaha koła. Pačatak a 18:00.
