U Mahilovie Ryhor Kastusioŭ vyłučany na pasadu staršyni partyi BNF. Jahonuju kandydaturu padtrymali siabry miascovaj partyjnaj arhanizacyi, paviedamlaje Radyjo Svaboda.
Na dumku partyjcaŭ Kastusioŭ — jon ciapier namieśnik staršyni partyi — stanie lidaram, ź jakim u partyju pryjdzie arhanizacyjnaja tryvałaść.
Ryhor Kastusioŭ u intervju Svabodzie adznačyŭ, što rašeńnie vyłučycca na pasadu staršyni partyi dałosia jamu niaprosta.
«Ciapier mianie niepakojać padziei vakoł Biełarusi, jakija niasuć pahrozu dla niezaležnaści krainy, — kaža jon. — Ja źjaŭlajusia prychilnikam abjadnańnia prademakratyčnych i nacyjanalna-patryjatyčnych siłaŭ. Ichnaja raźjadnanaść spryjaje pavyšeńniu hradusu niebiaśpieki dla Biełarusi. Heta toje, što mianie chvaluje najbolš i partyja BNF budzie nakiroŭvać svaje vysiłki ŭ rečyščy vyrašeńnia hetaj prablemy».
Ryhor Kastusioŭ adznačaje, što partyja voźmie ŭdzieł u miascovych vybarach i źbirajecca vyłučać svajho kandydata na pasadu prezidenta ŭ 2020 hodzie. Pakul Kastusioŭ nie hatovy kazać, ci paŭtoryć vyłučeńnie siabie na prezydenctva, jak heta było ŭ 2010 hodzie.
Źjezd partyi BNF maje prajści 30 vieraśnia. Pra svajo vyłučeńnie zajavili Volha Damaskina i Illa Dabratvor.
