Mižnarodnaja fiederacyja ciažkaj atletyki na hod dyskvalifikavała Biełaruski ciažkaatletyčny sajuz za dopinhavyja parušeńni, paviedamlaje aficyjny sajt IWF.
Z kastryčnika 2017 hoda biełaruskija ciažkaatlety nie zmohuć udzielničać va ŭsich mižnarodnych spabornictvach. U tym liku - i ŭ čempijanacie śvietu-2017, jaki projdzie ad 28 listapada da 5 śniežnia ŭ Anachajmie (ZŠA).
Akramia Biełarusi, dyskvalifikavanyja za dopinhavyja parušeńni nacyjanalnyja fiederacyi Armienii, Azierbajdžana, Kitaja, Małdovy, Kazachstana, Rasii, Turcyi i Ukrainy.
Zhodna z novym praviłam IWF, pryniatym minułym letam, lubaja kraina ŭ vypadku troch ci bolš stanoŭčych dopinh-testaŭ pa vynikach pierapravierki analizaŭ Alimpijskich hulniaŭ Piekina-2008 i Łondana-2012 budzie adchilenaja ad mižnarodnych startaŭ na hod.
