 |
Tralejbus novaha pakaleńnia moža ruchacca biez padklučeńnia da krynicy toku, ekanomić elektraenerhiju j samastojna dyjahnastavać pałomki.
Jon chutčejšy, prastorniejšy j cišejšy za svaich papiarednikaŭ, paviedamlaje ANT. Miescaŭ dla stajańnia ŭ salonie bolš čym kresłaŭ — hetak łaćviej budzie jeździć u hidziny «pik». Tralejbus abstalavany vysoŭnym pandusam dla ludziej z abmiežavanymi mahčymaściami j vonkvym dynamikam dla ludziej z słabym zrokam.
Da ŭsiaho, mašyna pazbaŭlena hałoŭnaj tralejbusnaj «słabaści» — pryviazki da pravadoŭ. Kali na darozie źjavicca pieraškoda ci avaryja, abjechać jakuju nie staje štanhaŭ, novy tralejbus daść rady abminuć taki ŭčastak na aŭtanomnaj chadzie.
Bolš za toje, raspracoŭščyki prapanujuć transpartnikam puskać tralejbus tudy, dzie ŭvohule niama tralejbusnych dratoŭ. Sam pa sabie tralejbus moža jechać ažno siem kilametraŭ i lohka padklučacca da elektrasiłkavańnia nia tam, dzie jano jość, a tam, dzie zručna.
Pieršy tralejbus XXI stahodździa vypraviŭsia na adzin z samych daŭhich i napružanych maršrutaŭ — ad čyhunačnaha vakzału pa Partyzanskim praspekcie da vulicy Anharskaj.
Sioleta na staličnyja vulicy vyjduć jašče čatyry takija mašyny.
