Reuters.com
Arhiencina spyniaje apieracyju pa vyratavańni 44 marakoŭ źnikłaj padvodnaj łodki San Juan, ale niahledziačy na heta praciahnie pošuki samaj submaryny, jakaja pierastała vychodzić na suviaź 15 listapada. Pra heta paviedamlaje La Nacion sa spasyłkaj na aficyjnaha pradstaŭnika VMS krainy Enrykie Balbi.
U chodzie pres-kanfierencyi jon adznačyŭ, što čas pošuku ekipaža padłodki byŭ pieravyšany ŭ dva razy ad zapłanavanaha i ŭ cełym mahčymaha, ale za 15 dzion apieracyi vajskoŭcy i ratavalniki z paradku 18 krain nie zmahli vyjavić nijakich śladoŭ źnikłaj submaryny. Balbi padkreśliŭ, što pošuki buduć praciahvacca na marskim dnie, ale sa źmianieńniem resursnaj bazy.
Raniej, 27 listapada, Balbi dapuściŭ, što maraki ŭsio jašče žyvyja i arhiencinskija vajskoŭcy nie hublajuć nadziei znajści padvodnikaŭ žyvymi.
Dyzielnaja padvodnaja łodka arhiencinskaha fłota San Juan TR-1700 pierastała vychodzić na suviaź 15 listapada. Na jaje borcie znachodziacca ŭsiaho 44 čałavieki, u tym liku pieršaja arhiencinskaja žančyna-padvodnik Eliana Kraŭčyk.
Jana išła z paŭdniovaha arhiencinskaha porta Ušuaja ŭ port Mar-del-Płata ŭ centralnym rehijonie krainy. Apošniaje paćvierdžanaje miescaznachodžańnie submaryny atrymałasia ŭstanavić u pieršaj pałovie dnia 15 listapada ŭ 432 km ad paŭdniovaha atłantyčnaha ŭźbiarežža Arhienciny.
