1. Elektronny stetaskop
Ilustracyjnaje fota, vc.ru
Pieramožcam staŭ startap Healthy Networks, jaki stvaryŭ unikalnuju pryładu «elektronny stetaskop» i mabilny dadatak Lung Passport dla jaho i atrymaŭ $100 tysiač ad fondu Spacemind Capital na dalejšaje raźvićcio prajekta.
Elektronny stetaskop prykładajecca da cieła i pieradaje sihnał na telefon praz Bluetooth. Zatym sihnał apracoŭvaje niejronnaja sietka, jakaja ŭstaloŭvaje typ chrypaŭ, paśla čaho karystalnik adkazvaje na šerah pytańniaŭ, i sistema analizuje jahony stan.
Pryłada moža raspaznavać takija šyroka raspaŭsiudžanyja zachvorvańni jak astma, pnieŭmanija, branchit i chraničnaja abstruktyŭnaja chvaroba lohkich z dakładnaściu 85%.
2. Cvyrkunovaja fierma
Na druhim miescy akazałasia fierma pa hadavańni cvyrkunoŭ Crickets.by. Stvaralniki startapa śćviardžajuć, što jany pieršymi ŭ Biełarusi zaniali hetuju nišu i ŭpeŭnienyja ŭ svajoj budučyni: «Cvyrkunovyja fiermy jość u ZŠA, Kanadzie i Jeŭropie, a ŭ Tajłandzie cvyrkuny — asnoŭny pradukt charčavańnia, bo heta adzin z samych karysnych pradstaŭnikoŭ kazurak», — havorycca na sajcie prajekta. Kab cvyrkuny byli jadomymi, u Crickets.by raspracavali śpiecyjalny vid kambikormu.
U 2016 hodzie «Naša Niva» ŭžo pisała pra niezvyčajnuju biźnies-ideju.
Čytajcie: Biełarus choča adkryć fiermu cvyrkunoŭ i prapanuje ŭžyvać ich u ježu
3. 3D-madel čałavieka
Servis dla stvareńnia 3D-madeli čałavieka na asnovie jaho ruchaŭ Kimchi! maje dźvie asnoŭnyja śfiery prymianieńnia: zabavy (madel čałavieka moža pieraŭvasobicca ŭ kaho zaŭhodna) i surdapierakład.