1 lutaha a 18-j hadzinie Litaraturny muziej Pietrusia Broŭki zaprašaje ŭsich na prezientacyju paetyčnaj knihi Śviatłana Kul »Vieršy, bajki, paemy. Kniha druhaja».
Pieršaja kniha vyjšła ŭ 2012 hodzie. Tvory hetaj sieryi drukavalisia ŭ časopisach «Maładość», «Vierasień», «Stary zamak», hazietach «Litaratura i mastactva» i «Naša Niva».
Nakanavańniem losu dla doktara histaryčnych navuk, vykładčycy historyi kultury, architektury i mastactva, stvaralnicy ŭnikalnaha kursa biełaruskaj histaryčnaj chranałohii — Śviatłany Kul — adkryłasia natchnieńnie pisać vydatnyja vieršy. U kožnym ź ich — liryčny vodhuk aŭtarki jak na siužety sivoj minuŭščyny, tak i siońniašni rozdum, źviazany z chutkapłynnymi padziejami sučasnaha žyćcia. Paetyčnuju poviaź časoŭ Śviatłana Kul robić prafiesijna i ŭpeŭniena. U hetym možna pierakanacca, asabista paznajomiŭšysia z aŭtarkaj i jaje novaj knihaj pieršym lutaŭskim viečaram u Litaraturnym muziei Pietrusia Broŭki.
U prezientacyi prymuć udzieł hitaryst Uładzimir Zacharaŭ i litaraturaznaŭca Hanna Sieviaryniec.
Impreza projdzie ŭ farmacie adkrytaha mikrafona, kožny atrymaje mahčymaść vykazać svaje dumki i adčuvańni ad liryčnych tvoraŭ Śviatłany. Vas čakajuć siabroŭskaja atmaśfiera i sustreča ź cikavymi ludźmi!
Uvachod volny.
