Dryl
Inžynier z Novaje Ziełandyi, vykarystoŭvajučy 3D-pryntar, razdrukavaŭ samy kampaktny ŭ śviecie dryl. Pryłada maksimalnym pamieram 17 mm, vydatna pracuje. Jana maje minijaturnuju płatu i śvierdzieł dyjamietram 0,5 mm, jaki moža praśvidravać dzirku hłybinioju niekalki milimietraŭ u nie vielmi ćviordym materyjale.
Śpinier
Hety śpinier pamieram usiaho 5 milimietraŭ maje ŭsie składniki zvyčajnaha śpiniera: tut navat jość padšypniki!
Pryntar
Zuta Pocket Printer moža źmiaścicca navat u kišeni. Z dapamohaj mabilnaha dadatku možna vybrać dakumient dla druku, i pryntar nadrukuje jaho, samastojna ruchajučysia pa papiery.
Revalvier
Revalvier SwissMiniGun raspracavany ŭ Šviejcaryi. Jon maje daŭžyniu krychu bolš za 5 sm, ale ź vialikim pośpiecham pradajecca pa ŭsim śviecie. Miž tym, niekatoryja krainy, naprykład ZŠA i Złučanaje Karaleŭstva, zabaraniajuć impart hetaha revalviera ŭ svaje krainy praź lohkaść jahonaha ŭtojvańnia.
Mabilny telefon
Za niekalki dzion da pačatku 2018 hoda ŭ Vialikabrytanii pradstavili samy maleńki mabilny telefon u śviecie — Zanco Tiny T1. Šyrynia dyspleja składaje 1,25 sm, taŭščynia ŭsiaje pryłady dasiahaje 1,2 sm, a vyšynia — 4,76 sm. Vaha hadžeta — ŭsiaho 13 hramaŭ.
Chatni prajektar
Kampaktny prajektar Mini Ray maje pamiery 14ch44ch44 milimietra, padklučajecca da smartfona ci płanšeta i moža prajektavać vyjavu pamieram 60 calaŭ u jakaści HD. Darečy, košt pryłady na aficyjnym sajcie składaje 189 dalaraŭ.
Dyspłej
2ch4 milimietra — takija pamiery maje dyspłej, ustalavany ŭ soncaachoŭnych akularach ad kampanii Kopin, jakija byli prezientavanyja na vystavie CES u 2016 hodzie.
