Režysior animacyjnych karcin Anatol Reźnikaŭ, jaki stvaraŭ multfilmy pra kata Leapolda pamior na 78-m hodzie žyćcia. Pra heta paviedamiła kinakrytyk Susana Alpieryna, pieradaje BiełTA.
Anatol Reźnikaŭ u roznyja hady
«Mnie patelefanavali siabry z Hiermanii, tam znachodziŭsia Reźnikaŭ, jakija siabrujuć ź jaho siamjoj, i paviedamili hetuju sumnuju navinu», — skazała Susana Alpieryna.
U 1970 hodzie Anatol Reźnikaŭ pryjšoŭ na centralnaje telebačańnie, u tvorčaje abjadnańnie «Ekran». Viadomaść režysioru prynieśli multfilm «Raz kaŭboj, dva kaŭboj» i sieryja filmaŭ pra pryhody kata Leapolda pa scenarach Arkadzia Chajta. Usiaho na jaho rachunku bolš za sorak multfilmaŭ.
Anatol Izrailevič Reźnikaŭ naradziŭsia 20 śniežnia 1940 h. u Biełastoku, jaki tady ŭvachodziŭ u skład BSSR.
