22 sakavika ŭ centry Minska padčas razdačy ŭlotak z zaprašeńniem na dazvolenuju akcyju ŭ honar stahodździa BNR byli zatrymanyja dva aktyvisty «Moładzi BNF» — Arciom Kasavaraŭ i Arsienij D., paviedamlaje «Viasna».
Pra heta paviedamiŭ inšy aktyvist arhanizacyi Juraś Łukaševič.
Pavodle Łukaševiča, čatyry aktyvisty išli pa vulicach Minska i razdavali ŭlotki-zaprašalniki na budučaje śviatočnaje mierapryjemstva. Prachodziačy pa vulicy Haradski vał, dvoje ź ich vyrašyli sfatahrafavacca la skulptury minskaha haradavoha. Mienavita ŭ hety momant da maładych ludziej padyšli supracoŭniki milicyi.
I choć aktyvisty mieli pry sabie kopiju dazvołu na mierapryjemstva ad harvykankamu, milicyjanty vyrašyli zatrymać dvaich ź ich «dla razmovy». Pa słovach Łukaševiča, ich pavieźli ŭ RUUS Maskoŭskaha rajona.
Paźniej Łukaševič u svaim Fejsbuku paviedamiŭ, što adnaho chłopca adpuścili z Maskoŭskaha RUUS, a druhoha, Arcioma Kasavarava, — pavieźli na Akreścina.