Fota TASS.
73-hadovy Tulejeŭ uznačalvaŭ vobłaść z 1997 hoda. Patrabavańni jaho adstaŭki ŭzmacnialisia praz stan zdaroŭja hubiernatara, jakomu ciažka stajać biez dapamohi, i jaho replik u adras udzielnikaŭ mitynhu paśla pažaru ŭ HC «Zimniaja višnia». Jon nazvaŭ svajakoŭ zahinułych «buzaciorami».
Padčas sustrečy z žycharami vobłaści Uładzimir Pucin, adkazvajučy na pytańnie ab adstaŭcy Tulejeva, zajaviŭ, što heta «nie robicca dla čyrvonaha słoŭca na fonie trahiedyi». Jon adznačyŭ, što dla pačatku treba vyśvietlić, chto vinavaty ŭ tym, što zdaryłasia.
Pažar u handlovym centry adbyŭsia 25 sakavika. U vyniku trahiedyi zahinuli 64 čałavieki, siarod jakich 41 dzicia.
Amanhieldy Tulejeŭ da 2000 hoda byŭ u Kampartyi, a paśla pierajšoŭ u «Adzinuju Rasiju», ale niaźmienna kiravaŭ Kuzbasam.
