Turnir «Viciebskaja viasna — 2018» prachodziŭ u spartovaj zali siaredniaj škoły № 21. U spabornictvach pa hołbole (paralimpijski kamandny vid sportu, dzie nieviduščym treba zakinuć miač u bramku supiernikaŭ) udzielničali kamandy ź Viciebsku, Tuły, Karalova Maskoŭskaj vobłaści i Daniecku.
Kali arhanizatary i miascovyja medyja nazyvali danieckuju kamandu prosta pa naźvie horadu, to sami spartoŭcy pradstaŭlalisia jak «zbornaja Danieckaj narodnaj respubliki», fatahrafavalisia sa ściaham DNR.
Hetaksama kamandu pradstaŭlali ŭ rasiejskaj medyjnaj prastory.
«Ja ŭ heta nia lezu, ja viedaju adnu krainu — Ukrainu, — skazaŭ Alaksiej Karavikoŭ, pradstaŭnik arhanizataraŭ turniru UP «Elekt» (Biełaruskaje tavarystva invalidaŭ pa zroku). — My damaŭlalisia prosta z kamandaj z Daniecku. U ich navat pa viartańni byli niejkija prablemy z afarmleńniem kamandzirovak, bo ŭ našych hatelach Danieck ža paznačajecca jak Ukraina».
Mižnarodnyja spabornictvy pa hołbole Viciebsk pravodzić nia pieršy raz. Arhanizatary rassyłajuć zaprašeńni va ŭsie harady, dzie jość hołbolnyja kamandy. Na nastupny raz viciablanie žadajuć zaprasić i kamandy z Polščy.
