Inicyjatyva pad kodavaj nazvaj Kalamata znachodzicca na pačatkovym etapie raźvićcia i źjaŭlajecca častkaj bolš hłabalnaj stratehii, nakiravanaj na toje, kab usie pryłady Apple (uklučajučy Mac, iPhone i iPad) pracavali padobnym čynam i lohka ŭzajemadziejničali adnoj z adnym. Ciapier ža kampjutary Mac źjaŭlajucca adzinymi pryładami kampanii, jakija pracujuć pad kiravańniem pracesaraŭ inšaha vytvorcy.
Bloomberg adznačaje, što padobnaje rašeńnie moža stać udaram dla Intel. Partniorstva z Apple prynosić kampanii kala 5% hadavoha dachodu. Adrazu paśla źjaŭleńnia naviny akcyi Intel upali na 9,2%.
U Apple ad kamientaroŭ admovilisia. Pradstaŭniki Intel zajavili, što «nie kamientujuć čutki ab svaich klijentach».