Pieršyja vypadki ŭkusaŭ klaščoŭ zarehistravanyja ŭ Bresckaj vobłaści, paviedamiła BIEŁTA entamołah abłasnoha centra hihijeny, epidemijałohii i hramadskaha zdaroŭja Łarysa Jarac.
Pieršy vypadak byŭ zafiksavany ŭ Žabinkaŭskim rajonie jašče ŭ studzieni. Paciarpieły — padletak, klešč ukusiŭ jaho ŭ dvary. Aktyvizavalisia klaščy ŭ siaredzinie sakavika. Za sakavik u vobłaści zarehistravana 14 vypadkaŭ, u jakich u tym liku paciarpieli šeść dziaciej. Pavodle słoŭ śpiecyjalista, heta našmat mienš, čym u minułym hodzie (73 paciarpiełych, u tym liku 28 dziaciej).
Vypadki ŭkusaŭ klaščoŭ zarehistravanyja ŭ Bresckim, Ivanaŭskim, Ivacevickim, Kobrynskim, Małaryckim, Pinskim, Pružanskim rajonach. U asnoŭnym jany adbyvalisia pry vyhule sabak. Pa dva čałavieki paciarpieli pry narychtoŭcy droŭ i biarozavaha soku. Ukusy dziaciej u bolšaści vypadkaŭ zafiksavanyja, kali jany hulali sa svojskimi žyviołami.
Na 2 krasavika pa daśledavańnie klaščoŭ u łabaratoryi centraŭ hihijeny i epidemijałohii vobłaści źviarnulisia 14 čałaviek. Siem vynikaŭ vyjavilisia stanoŭčymi - u klaščach byli vyjaŭlenyja ŭzbudžalniki Łajm-barelijozu
