Akcyja ŭ 2017 h., fota Siarhieja Hudzilina
Zajaŭka na praviadzieńnie sioletniaha Čarnobylskaha šlachu była padadzienaja ŭ Minharvykankam na minułym tydni
Arhanizatary zaplanavali zbor a 18-j 26 krasavika na placoŭcy kala Akademii navuk, da 18.30 tam buduć razhornutyja stendy, ad 18.30 da 19.00 projdzie mitynh na prystupkach Akademii navuk,
z 19.00 da 20.30 zapłanavanaje šeście tradycyjnym maršrutam — praśpiektam Niezaležnaści i vulicaj Surhanava da Čarnobylskaj kaplicy ŭ Parku Družby narodaŭ. La kaplicy buduć paminać pamierłych ad čarnobylskaj katastrofy, paviedamlaje Radyjo Svaboda.
Zajaŭniki spadziajucca, što adkaz budzie atrymany ŭ kancy hetaha tydnia.
KCHP BNF budzie padavać svaju zajaŭku na mitynh u Kijeŭskim skviery Minska
Arhanizatary Čarnobylskaha šlachu — 2018 raskazali, što akcyja 26 krasavika stanie pačatkam kampanii «Astraviecki šlach». Kampanija budzie prachodzić ciaham 6 miesiacaŭ. Akcyi (kruhłyja stały ab prablemach Čarnobyla, zbor podpisaŭ za spynieńnie budaŭnictva BiełAES) u ramkach kampanii projduć u roznych haradach, u tym liku ŭ Astraŭcy, Zasłaŭi, Radaškovičach, Maładziečnie, Vilejcy, Navałukomli, Biełaaziorsku. Arhanizatary kampanii buduć damahacca spynieńnia budaŭnictva Biełaruskaj AES.
