U 2016 hodzie hramadzianstva krain-siabraŭ ES atrymali 24 tysiačy ukraincaŭ, paviedamlaje Jeŭrastat.
Ahułam u 2016 hodzie kala 995 tysiač čałaviek atrymali hramadzianstva adnoj z krain ES, u 2015 hodzie hety pakazčyk składaŭ 841 tysiaču čałaviek, a ŭ 2014-m — 889 tysiač čałaviek.
Bolš za ŭsio pašpartoŭ adnoj z krain ES ŭ 2016 hodzie atrymali hramadzianie Maroka (101 300 čałaviek, ź jakich 89% atrymali hramadzianstva Ispanii, Italii abo Francyi), hramadzianie Ałbanii (67 500 čałaviek, 97% atrymali hramadzianstva Italii abo Hrecyi), Indyi (41 700 čałaviek, amal 60% atrymali brytanskaje hramadzianstva), Pakistana (32 900 čałaviek, bolš za pałovu atrymali brytanskaje hramadzianstva), Turcyi (32 800 čałaviek, amal pałova atrymała niamieckaje hramadzianstva), Rumynii (29 700 čałaviek, 44% atrymali italjanskaje hramadzianstva).
Pašparty krain ES atrymali 24 tysiačy ukraincaŭ, 60% ź ich atrymali hramadzianstva Hiermanii, Rumynii, Partuhalii ci Italii. U 2015 hodzie hramadzianstva krain ES atrymali 19 tysiač ukraincaŭ.
