U vyniku ahladu ŭ kvatery błohiera Siarhieja Piatruchina zabrali noŭtbuk, płanšet, telefon i fotaaparat. Piatruchin ličyć heta ciskam za aśviatleńnie pratestaŭ suprać akumulatarnaha zavoda, paviedamlaje Radyjo Svaboda
Niekalki milicyjantaŭ i AMAPaŭcaŭ pieraniali Siarhieja Piatruchina, kali jon vynosiŭ śmiećcie z chaty. Błohiera aznajomili z sankcyjaj prakurora na ahlad kvatery, paśla čaho milicyjanty i rušyli da Piatruchina.
«Heta adbyvajecca z pryčyny sytuacyi vakoł budaŭnictva akumulatarnaha zavodu «Ajpaŭer». Niekamu nie padabajucca našy strymy pra hetaje pradpryjemstva. A farmalnaj začepkaj stała skarha milicyjanta na toje, što ja ŭ adnym sa strymaŭ skazaŭ, što jon biŭ bieraściejca ŭ pastarunku», — raskazaŭ Siarhiej Piatruchin.
Napiaredadni błohier Siarhiej Piatruchin razam z kaleham Alaksandram Kabanavym atrymali pa 1225 rubloŭ štrafu za zbor podpisaŭ za adstaŭku kiraŭnictva Bieraściejskaj vobłaści.
Apošnim časam błohiery Piatruchin i Kabanaŭ u svaich videa rehularna aśviatlajuć pratesty ŭ Bieraści z pryčyny budaŭnictva akumulatarnaha zavodu.
