Padčas vychodnych u adnym z vuličnych kafe horada nieviadomyja raźličylisia rasijskimi rublami. Pradavačka, atrymaŭšy 200 rubloŭ susiedniaj krainy (6,27 biełaruskaha), vydała reštu 195 biełaruskimi.
Vypadak adbyŭsia ŭ subotu 28 lipienia, kala 15.00, kali ŭ centry Hrodna było vielmi šmat ludziej — pačynaŭsia fiestyval vuličnych mastactvaŭ.
«Dźvie žančyny, z vyhladu turystki, zamovili ŭ mianie piva na 5 rubloŭ 50 kapiejek, ale kali treba było raźličvacca, to padsunuli 200 rasijskich rubloŭ, — raskazvaje pradavačka. — Ja zaŭvažyła i skazała, što heta nie našy hrošy, što takich nikoli nie bačyła. A adna ź ich mnie ŭ adkaz, što heta biełaruskija hrošy i joj nichto nie mianiaje ich, bo bujnaja suma».
Pry prahladzie videa z kamiery nazirańnia bačna, jak žančyny, jakija pryjšli z rasijskimi hrašyma, vielmi niervavalisia na kasie i ŭvieś čas pazirali ŭ bok kamiery.
«Nie viedaju čamu, ale ja ŭziała ŭ hetych žančyn hrošy i dała reštu. Mahčyma, heta adbyłosia z-za vialikaha patoku ludziej i chaosu, jaki tady adbyvaŭsia ŭ centry horada. Žančyny nie pieraličyli hrošy, imhnienna na kasie vypili piva i syšli».
Užo zaraz pradavačka ŭspaminaje, što žančyny jaŭna raźbiralisia ŭ valucie, bo adna ź ich jašče niešta kuplała na 5 biełaruskich rubloŭ.
Kali ŭ kafe zrazumieli, što ich padmanuli, vyklikali milicyju. Pravodzicca pravierka.
