Kali Ukrainskaja pravasłaŭnaja carkva Maskoŭskaha patryjarchata (UPC MP) pazbavicca svaich praŭ paśla atrymańnia UPC Kijeŭskaha patryjarchata (UPC KP) aŭtakiefalii (samakiravańnia), vierniki mohuć pačać abaraniać bujnyja manastyry i zładzić «krovapralićcie», zajaviŭ kiraŭnik sinadalnaha Adździeła źniešnich carkoŭnych suviaziej mitrapalit Iłaryjon u intervju telekanału RT.
«Kali UPC (Maskoŭskaha patryjarchata) pryznajuć carkvoj krainy-ahresara, jak jany ciapier kažuć, kali jaje pazbaviać zakonnych praŭ, to my možam čakać usiaho — što raskolniki voźmuć kantrol nad vialikimi manastyrami, takimi jak Kijeva-Piačerskaja łaŭra, Pačajeŭskaja łaŭra. Tady, viadoma, pravasłaŭnyja vierniki buduć abaraniać hetyja śviatyja miescy, i moža pačacca krovapralićcie», — zajaviŭ mitrapalit Iłaryjon.
Jon taksama zajaviŭ, što Viarchoŭnaja rada Ukrainy razhladaje zakony, jakija mohuć pryvieści da «izalacyi Ukrainskaj pravasłaŭnaj carkvy».
