kremlin.ru
Pres-sakratar prezidenta Rasii Dźmitryj Piaskoŭ zajaviŭ u intervju radyjostancyi «Havoryć Maskva», što pakul rana razvažać pra padtrymku Sierbii z boku Rasii paśla abvastreńnia ŭ Kosava. Pa słovach Piaskova, spačatku pavinny adbycca pieramovy pamiž lidarami dźviuch krain.
Tak pres-sakratar prezidenta adreahavaŭ na paviedamleńnie ab tym, što prezident Sierbii Alaksandr Vučyč maje namier paprasić va Uładzimira Pucina padtrymki ŭ situacyi z Kosava. Vučyč udakładniŭ, što ab vajennaj dapamozie havorka nie idzie. Sustreča kiraŭnikoŭ dziaržaŭ pavinna adbycca 2 kastryčnika ŭ Maskvie.
29 vieraśnia stała viadoma, što Vučyč pryvioŭ armiju krainy ŭ bajavuju hatoŭnaść. U toj ža dzień niekalki dziasiatkaŭ kosaŭskich śpiecnazaŭcaŭ ŭvajšli na terytoryju, prylehłuju da voziera, jakoje zabiaśpiečvaje vadoj hidraelektrastancyju «Hazivode». Abjekt znachodzicca na terytoryi Kosava, ale adnačasova ŭvachodzić u sierbskuju enierhasistemu.
