14 červienia 2014 hoda
Byłoha deputata Viarchoŭnaj rady Ukrainy Mikałaja Rudźkoŭskaha zatrymali ŭ Maskvie za napad na pasolstva RF u Kijevie ŭ 2014 hodzie, paviedamlaje TASS.
Rudźkoŭskaha zatrymali 28 vieraśnia na Novaj Basmannaj vulicy. Mužčyna znachodzicca ŭ fiederalnym vyšuku pa abvinavačańni ŭ ździajśnieńni złačynstva pa č. 2 art. 360 («Napad na ŭstanovu, jakaja karystajecca mižnarodnaj abaronaj, u metach pravakacyi vajny i ŭskładnieńnia mižnarodnych adnosin»).
Śledčy kamitet Rasii pradjaviŭ šaściarym ukraincam zavočnaje abvinavačvańnie ŭ napadach na pasolstva RF u Kijevie. Siarod ich - aktyvist abjadnańnia «Svaboda» Uładzimir Nazaranka i eks-deputat Viarchoŭnaj rady Mikałaj Rudźkoŭski.
TASS paviedamlaje, što 14 červienia 2014 hoda abvinavačvanyja sumiesna ź inšymi asobami paškodzili fasad budynka pasolstva RF. Pry hetym Nazaranka sarvaŭ z fłahštoka ściah Rasii.
