Ministerstva abarony adkazała na zvarot žychara Minska Alaksandra Tamkoviča. Toj prasiŭ pravieści siarod aficeraŭ tłumačalnuju hutarku ab niedapuščalnaści vykarystańnia hieorhijeŭskaj stužki. «Našaj Niva» atrymała kopiju hetaj pierapiski.

Alaksandr Tamkovič, jaki prachodziŭ słužbu jašče ŭ Savieckim Sajuzie, adrasavaŭ list hałoŭnamu ideałahičnamu ŭpraŭleńniu Ministerstva abarony. Jon vykazaŭ mierkavańnie, što biełaruskija aficery, jakija vykarystoŭvajuć hieorhijeŭskija stužki, faktyčna padtrymlivać svaich ukrainskich kaleh, jakija zdradzili prysiazie i pierajšli na bok voraha. 

Tamkovič źviarnuŭ uvahu na patryjatyčnyja nastroi siarod vajskoŭcaŭ: 

«Vy kaliści bačyli čyrvona-zialonuju jabłynievuju stužku ŭ mašynach starejšych aficeraŭ? Ja — nie. Prašu vas pryniać zachady i spynić raspalvańnie varožaści va Uzbrojenych siłach. Nielha dapuścić hramadzianskuju vajnu pa ŭkrainskim scenary ŭ Biełarusi», — tak skančaŭsia zvarot da načalnika ideałahičnaha ŭpraŭleńnia Leanida Kasinskaha. 

Što adkazaŭ jamu Kasinski? 

Jon zapeŭnivaje, što «vykarystańnie biełaruskaj movy i dziaržaŭnych simvałaŭ u našaj krainie — heta dziaržaŭnaja palityka i inačaj być nie moža». 

«Vy absalutna słušna śćviardžajecie, što ŭ apošnija hady vykarystańniu hieorhijeŭskaj stužki sprabujuć nadać niekatoryja inšyja sensy. Ale heta sprabujuć zrabić, pieradusim tyja, chto choča skazić histaryčnuju praŭdu i prynizić značeńnie Vialikaj Pieramohi, unieści raskolinu miž narodami, jakija jaje atrymali.

Upeŭnieny, što ŭ našaj krainie čorna-aranžavaja stužka asacyirujecca ni z čym inšym, jak z hetaj vialikaj padziejaj»,

— adkazaŭ Kasinski i dadaŭ, što biełaruskaje vojska źjaŭlajecca pierajemnikam Biełaruskaj vajennaj akruhi, a častka bajavych čaściej majuć hvardziejskija najmieńni i hvardziejskija stužki na svaich ściahach.

***

Leanid Kasinski, Fota: mil.by

Leanid Kasinski, Fota: mil.by

Leanid Kasinski naradziŭsia ŭ Hrodnie, skončyŭ Jekaciarynburhskuju vyšejšuju artyleryjskuju kamandnuju vučelniu i fakultet Hienieralnaha štaba Vajennaj akademii Biełarusi. 

Da svajho pryznačeńnia byŭ namieśnikam hałoŭnaha ideołaha vojska. 

Taksama pracavaŭ ideołaham u Piečach. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?