mediaoffice.ae
Pamočnik prezidenta Biełarusi pa pytańniach nacyjanalnaj biaśpieki Viktar Łukašenka naviedaŭ zaklučny etap čempijanatu śvietu ŭ kłasie mašyn «Formuła-1» u Abu-Dabi. Pra heta paviedamlaje Emirates News Agency.
Jak vynikaje z kadraŭ aficyjnaj fota- i videachroniki, syn biełaruskaha kiraŭnika razam ź pierakładčykam vitali členaŭ kirujučaj siamji Abu-Dabi.
Akramia Viktara Łukašenki aŭtahonkach ź vip-łožy hladzieli prezident Tatarstana Rustam Minichanaŭ, kiraŭnik Čačni Ramzan Kadyraŭ, ministr zamiežnych spraŭ Saudaŭskaj Aravii Adel Al Džubiejr, były prezident irakskaha Kurdystana Masud Al-Barzani, eks-prezident Siejšelskich vyspaŭ Džejms Aliks Mišel, były karol Ispanii Chuan Karłas, žonka kniazia Manaka Albiera II Šarlen.
mediaoffice.ae
Viadoma, što starejšy syn kiraŭnika Biełarusi, jak Minichanaŭ i Kadyraŭ, źjaŭlajucca zaŭsiodnikami Hran-pry Abu-Dabi, zaprašeńnie na jakoje rassyłaje kirujučaja siamja emirata.
