Viadomy niezaležny ekanamist Pavieł Daniejka 23 listapada prajšoŭ acenku adpaviednaści kvalifikacyjnym patrabavańniam i patrabavańniam da dziełavoj reputacyi śpiecyjalnaj kamisii Nacbanka. Paśla hetaha Daniejka ciaham piaci hadoŭ moža zajmać pasadu niezaležnaha dyrektara banka.
Jakoha ž? Pra heta my spytali ŭ samoha ekanamista. «Tak atrymałasia, što ja byŭ abrany ŭ Radu dyrektaroŭ «Biełhazprambanku». Heta nie aznačaje, što ja pakidaju raniejšyja pracy», — adkazaŭ Daniejka.
Admietna, što zusim niadaŭna niezaležnym dyrektaram «Biełhazprambanku» staŭ były premjer-ministr Biełarusi Andrej Kabiakoŭ.
«Biełhazprambank» šmat zajmajecca miecenactvam biełaruskaj kultury i asobnych kulturnych dziejačoŭ. Uznačalvaje bank Viktar Babaryka.
Pavieł Daniejka byŭ adnym z najmałodšych deputataŭ Viarchoŭnaha Savieta CHIII sklikańnia ad Minska. Aktyŭna procistajaŭ aŭtarytarnamu pieravarotu 1996 hoda, byŭ adnym z tvorcaŭ Abjadnanaj hramadzianskaj partyi. Arhanizoŭvaŭ Maršy svabody.
Na pačatku 2000-ch adyšoŭ ad palityki, zasiarodziŭsia na biznesie, jaki vioŭ jak u Biełarusi, tak i ŭ Rasii i Ukrainie. Ad 2007 hoda jon byŭ rektaram Moscow Business School (MBS), administratyŭnym dyrektaram Biełaruskaha ekanamičnaha daśledčycka-adukacyjnaha centru (BEROC).
