U studzieni projduć štohadovyja zimovyja ŭliki vadapłaŭnych ptušak. Dapamažy nam «pierapisać» kožnuju kačku Biełarusi! — prosić hramadskaja arhanizacyja «Achova ptušak Baćkaŭščyny», piša mlyn.by.
Uliki pravodziacca dla taho, kab acanić kolki i jakija vadapłaŭnyja ptuški zimujuć u Biełarusi. Hetaja infarmacyja dazvolić lepš płanavać dziejańni pa ich zachavańni i na ŭzroŭni krainy, i na mižnarodnym uzroŭni. Zimovyja ŭliki vadapłaŭnych pravodziacca ŭ mnohich krainach śvietu i dajuć infarmacyju amal pra 900 vidaŭ ptušak.
Uliki ptušak — heta jašče i nahoda pahulać na śviežym pavietry i zrabić cikavyja nazirańni. Praz paciapleńnie klimatu ŭsio bolš ptušak sustrakajucca na zimoŭcy. Samyja niezvyčajnyja nazirańni padčas papiarednich zimovych ulikaŭ — stučok i marskaja čajka.
Da ŭlikaŭ vadapłaŭnych možna dałučycca na praciahu ŭsiaho studzienia. Najlepš heta rabić u maroznyja dni, bo ptuški buduć hurtavacca na adkrytych učastkach vadajomaŭ.
Samyja aktyŭnyja dni pierapisu — 18, 19 i 20 studzienia.
Rekamiendacyi, jak pravodzić pierapis i kudy dasyłać ankiety, možno znajści na sajcie APB.
