Čempijanat śvietu pa chakiei 2021 hoda pavinien być padrychtavany «lepš i bolš paśpiachova», čym toj, jaki prajšoŭ u Minsku ŭ 2014 hodzie, pakolki «ciapier u nas jość vopyt praviadzieńnia suśvietnaha pieršynstva», skazaŭ Siarhiej Rumas 27 lutaha padčas pieršaha pasiadžeńnia arhkamiteta pa padrychtoŭcy i praviadzieńni ČS pa chakiei z šajbaj u Minsku, piša BiełTA.
Pry hetym Rumas adznačyŭ, što papiaredni čempijanat u Minsku, jaki prachodziŭ u 2014 hodzie, pryznany Mižnarodnaj fiederacyjaj chakieja adnym ź lepšych u historyi i pabiŭ rekordy naviedvalnaści.
— U 2021 hodzie my pravodzim čempijanat pa chakiei z šajbaj sumiesna z Łatvijskaj Respublikaj. Uzrovień hatoŭnaści krainy da jaho praviadzieńnia dastatkova vysoki: majucca ladovyja areny, u stalicy pabudavana dastatkovaja kolkaść haścinic i abjektaŭ hramadskaha charčavańnia. Tym nie mienš my pavinny zrabić usio nieabchodnaje, kab hety čempijanat staŭ lepšym i bolš paśpiachovym za papiaredni. Płanku nie źnižajem, — skazaŭ Rumas.
