Były doktar rasijskaj śpiavački Julii Načałavaj Vasilij Šuraŭ zajaviŭ, što pryčynaj jaje śmierci stała vypadkovaść. Pra heta jon u niadzielu, 17 sakavika, raspavioŭ u intervju «Kamsamolskaj praŭdzie».
Pa słovach Šurava, Načałava prachodziła lačeńnie ŭ jaho klinicy paŭhoda tamu i tady nie pakutavała ni na dyjabiet, ni vaŭčanku. «Paŭhoda tamu Jula nie była ciažkachvoraj, kali nie ličyć padahry. Padahra, na žal, była zapuščana, ciarpieła funkcyja nyrak», - adznačyŭ jon. Pry hetym miedyk padkreśliŭ, što padahra sama pa sabie nie mahła stać pryčynaj śmierci śpiavački.
Šuraŭ taksama abvierh viersiju pra toje, što śmierć Načałavaj mahła być niejkim čynam źviazana z rezkim pachudańniem na 25 kiłahramaŭ. «Jana była ŭ stabilnaj vazie», - zajaviŭ jon, udakładniŭšy, što artystka nie prymała «žorstkich» BADaŭ, ałkaholu abo narkotykaŭ.
Jak adznačyŭ były doktar Načałavaj, toje, što adbyłosia sa śpiavačkaj, stała «fatalnaj vypadkovaściu». «Naciorła nahu, patrapiła infiekcyja, raźviłasia hanhrena. Da apošniaha my nie dumali, što ŭsio tak skončycca», - rastłumačyŭ jon.
Pry hetym jon adznačyŭ, što stan śpiavački spačatku niedaacanili, a kali havorka zajšła ab nieabchodnaści amputacyi nahi, sama Načałava admaŭlałasia ad apieracyi. «Potym nastupiła koma, dazvoł uziali ŭ svajakoŭ, ale było ŭžo pozna», - dadaŭ Šuraŭ.
Rasijskaja śpiavačka Julija Načałava pamierła ŭ 38 hadoŭ
