Udzielniki samita Jeŭrasajuza ŭzhadnili pieranos terminaŭ Brexit z 29 sakavika na 22 maja pry ŭmovie, što parłamient Vialikabrytanii ŭchvalić hetuju ździełku. Pra heta havorycca ŭ zaklučnym kamiunikie pa vynikach samita, pieradaje Reuters.
Kali ž brytanskija zakanadaŭcy adchilać hetu prapanovu na pasiadžeńni, jakoje adbudziecca na nastupnym tydni, to Brexit pavinien budzie adbycca da 12 krasavika. Raniej ab pieranosie terminaŭ vychadu Vialikabrytanii z składu Jeŭrasajuza paviedamlali brytanskija ŚMI, u rasparadžeńni jakich apynuŭsia prajekt rašeńnia savieta ES.
Staršynia Jeŭrarady Donald Tusk zajaviŭ, što ŭsie varyjanty Brexit da 12 krasavika «buduć zastavacca adkrytymi, a data pačatku [vychadu Brytanii ź ES] budzie adkładzienaja». «Va ŭrada Brytanii pa-raniejšamu budzie vybar pamiž uhodaj, [vychadam] biez ździełki, doŭhim pradaŭžeńniem i admienaj artykuła 50 [dahavora ES, na padstavie jakoj Łondan vychodzić ź Jeŭrasajuza]», - padkreśliŭ Tusk, adznačaje RBK.
«12 krasavika źjaŭlajecca klučavoj dataj z punktu hledžańnia rašeńnia Brytanii ab praviadzieńni vybaraŭ u Jeŭraparłamient. Kali jany nie vyznačacca da hetaha času, varyjant praciahłaha padaŭžeńnia aŭtamatyčna stanie niemahčymym», - adznačyŭ staršynia Jeŭrarady. Premjer-ministr Niderłandaŭ Mark Rute vykazaŭ nadzieju, što Łondan ŭchvalić prapanavanuju ES ździełku pa Brexit, paviedamlaje Reuters.
