Federalny kancler Aŭstryi Sebastyjan Kurc 27—29 sakavika naviedaje Miensk. Hetuju infarmacyju Svabodzie paćvierdzili adrazu niekalki niezaležnych adna ad adnoj krynicaŭ.
Pavodle Kanstytucyi Aŭstryjskaj Respubliki, kiraŭnikom dziaržavy jość prezydent. Jon abirajecca ŭsienarodnym hałasavańniem na šeść hadoŭ. Z 2017 hodu pasadu zajmaje Alaksandar Van der Belen.
Vykanaŭčuju ŭładu — urad Aŭstryi — ačolvaje kancler. Z 2017 hodu hetuju funkcyju vykonvaje Sebastyjan Kurc. Ale pakolki prezydent ažyćciaŭlaje pieravažna pradstaŭničyja funkcyi, to realna dziaržavaju kiruje kancler.
Pra toje, što aŭstryjski kancler maje namier naviedać Miensk, raniej paviedamiła ministarka ŭ pytańniach Eŭropy, intehracyi i zamiežnych spravaŭ Karyn Knajśl. U studzieni jana pryjaždžała ŭ Miensk. Pavodle jaje, kancler budzie ŭdzielničać u adkryćci pomnika achviaram lahieru śmierci «Traścianiec».
