Uviečary 8 krasavika student homielskaj VNU razam ź siabram adpačyvaŭ u kvatery adnaho z damoŭ pa vulicy Čačerskaj. Paśla ŭžyvańnia śpirtnoha 21-hadovy chłopiec dastaŭ pnieŭmatyčnuju vintoŭku, ź jakoj jany i vyjšli na bałkon. Cellu byŭ abrany mikraaŭtobus «Folksvahien-LT50», paviedamlaje UUS.
Chvostkija ŭdary kul pa mietale pryciahnuli ŭvahu minaka. Jon zaŭvažyŭ, što na bałkonie šmatpaviarchoŭki milhanuli cieni. A kali ŭbačyŭ uvahnutaści na aŭtamabili — vyklikaŭ milicyju.
Supracoŭniki milicyi prybyli apieratyŭna. Dźviery kvatery nichto nie adčyniaŭ. Pravaachoŭniki vyśvietlili, chto źjaŭlajecca haspadarom kvatery. Mužčyna ŭ hety momant byŭ na pracy, a doma pavinien byŭ znachodzicca jaho syn. Paśla zvanka baćki chłopiec dźviery milicyi ŭsio ž adčyniŭ. A krychu paźniej dastaŭ užo prychavanuju pnieŭmatyčnuju vintoŭku.
