Kreml razhladaje mahčymaść uviadzieńnia sproščanaj pracedury pradastaŭleńnia hramadzianstva Rasii ŭkraincam, u jakich jość tak zvanyja pašparty «DNR» i «ŁNR», paviedamlaje RBK.
Sproščany paradak vydačy pašpartoŭ Rasii žycharam akupavanych rajonaŭ Danieckaj i Łuhanskaj abłaściej mohuć uvieści adrazu paśla druhoha tura vybaraŭ prezidenta Ukrainy. Prajekt adpaviednaha ŭkaza Uładzimira Pucina ŭžo padrychtavany, paviedamiła krynica.
Pad sproščanym paradkam majecca na ŭvazie admiena abaviazkovych ekzamienaŭ i patrabavańnia ab pražyvańni ŭ Rasii bolš za piać hadoŭ.
Krynica, blizkaja da kiraŭnikoŭ «DNR», paviedamiła, što asnoŭnymi ŭmovami atrymańnia hramadzianstva Rasii buduć najaŭnaść tak zvanych pašpartoŭ «ŁNR» i «DNR» i zdača pašparta hramadzianina Ukrainy.
