U Biełarusi vybirajuć aptymalny šlach dla palapšeńnia sistemy biaśpieki ŭ škołach, analizujučy pry hetym zamiežny vopyt. Pra heta paviedamiŭ BiełTA ministr adukacyi Ihar Karpienka.
Tema biaśpieki va ŭstanovach adukacyi aktualnaja ŭ roznych krainach śvietu. Biełaruś nie vyklučeńnie. Ihar Karpienka nahadaŭ, što da hetaha času śpiecyjalisty Minadukacyi praanalizavali dziejnaść sacyjalna-psichałahičnych słužbaŭ ustanoŭ adukacyi, prymianieńnie narmatyŭnaj bazy pa arhanizacyi prapusknoha režymu, zabieśpiačeńniu biaśpieki i hetak dalej.
«Pytańnie abmiarkoŭvajecca. Budziem vybirać aptymalna prymalnaje rašeńnie, jakoje dazvolić zrabić škołu biaśpiečnaj tvorčaj placoŭkaj, sacyjakulturnym centram, jaki budzie adkryty i dla baćkoŭ, i dla navučencaŭ, i dla hramadskaści», - padkreśliŭ ministr.
Jon źviarnuŭ uvahu, što kazać pra ŭviadzieńnie va ŭstanovach adukacyi štata achoŭnikaŭ i pasady namieśnika dyrektara pa biaśpiecy pakul rana.
Pra toje, što takaja mahčymaść tolki prapracoŭvajecca, išła razmova i na kruhłym stale «Stvareńnie biaśpiečnych umoŭ pry arhanizacyi adukacyjnaha pracesu» ŭ pres-centry BIEŁTA. «Heta ŭsiaho tolki abmierkavańnie. Nie fakt, što tak budzie. Ale razam z tym my vyvučali, naprykład, vopyt Rasii, znajomilisia z tym, jak arhanizavana sistema biaśpieki va ŭstanovach adukacyi Turcyi», - raspavioŭ ministr.
Minadukacyi vyznačyła, što ŭ škołach rabić z mabilnymi telefonami i jakim tam budzie prapuskny režym
Łukašenka stroha vykazaŭsia pra achoŭnikaŭ u škołach
