U Rasii jość varyjanty pieraaryjentacyi pastavak nafty z naftapravoda «Družba» na party. Pra heta ŭ sieradu zajaviŭ žurnalistam ministr enierhietyki Rasii Alaksandr Novak. Płany Biełarusi pierakryć tranzit nafty z Rasii pa hetym naftapravodzie jon nazvaŭ niemetazhodnym fors-mažoram.
«Ja liču, što varyjant pierakryćcia truby — heta fors-mažor, jaki, na maju dumku, absalutna niemetazhodny, my navat nie razhladajem hety varyjant. Viadoma, u nas jość reziervy pa inšych napramkach pastavak nafty, u tym liku i z pavieličeńniem abjomaŭ pahruzki praz marskija party», — cytuje Novaka TASS.
Jon dadaŭ, što ličyć metazhodnym pracavać u adpaviednaści ź dziejučymi damoŭlenaściami i kantraktami.
0
0
0
0
0
0
