Učora «Juvientus», što tydzień tamu staŭ čempijonam Italii (za pieramožnym matčam u Turynie naziraŭ karespandent «NN»), zhulaŭ uničyju z «Interam». Hulnia skončyłasia 1:1, miač na rachunku KR. Hołu papiaredničaŭ pryhožy prachod ledź nie ad centra pola.
Hety hoł staŭ 600-m dla Kryšcijanu Ranałdu na kłubnym uzroŭni. U jaho 450 hałoŭ za «Reał», 118 — za «Mančestar Junajted», 27 - za «Juvientus» i 5 zabitych miačoŭ u składzie «Sportynha».
Dziela spraviadlivaści varta adznačyć i pośpiech Lijanela Mesi, jaki staŭ 10-cirazovym čempijonam Ispanii ŭ składzie «Barsiełony». Da hetaha nichto z katałonskaha kłuba takoha pośpiechu nie dasiahaŭ.
«Barsa» ŭ 26-y raz vyjhrała čempijanat Ispanii i vośmy raz za apošnija 11 hadoŭ. Nu i zhulaje ŭ paŭfinale Lihi čempijonaŭ (matč užo 1 maja), u adroźnieńnie ad «Juvie».
