Telekampanija NTV na svaim sajcie anansavała pakaz z 3 maja šou «Mahija». U pramacyjnym roliku pakazvajecca, što jaho kiraŭnikami źjaŭlajucca abrany prezident Ukrainy Uładzimir Zialenski, a taksama Taćciana Łazarava. Pa scenary ŭdzielniki prahramy- zorki rasijskaha šou-biznesu - pakazvajuć roznyja fokusy, atrymlivajučy majstar-kłasy ad viadomych iluzijanistaŭ.
«Zialenski zaŭsiody viedaŭ tołk u fokusach», - havorycca ŭ anonsie pieradačy.
Jak paviedamlaje «Kamiersant», prahrama była zapisanaja jašče ŭ 2011 hodzie dla telekanała «Rasija-1», ale ŭ efir tak i nie vyjšła. Prahramu stvarała kampanija «Vajt Miedyja», jakaja rabiła prahramy dla telekanałaŭ niekalkich krain Uschodniaj Jeŭropy.
Da 2014 hoda Zialenski nieadnarazova pracavaŭ dla prahram, stvoranych dla rasijskaha telebačańnia. U pryvatnaści, jon byŭ suviadučaha prahram «Faktar A» (razam ź Filipam Kirkoravym), rasijskaj viersii «Raśśmiašy komika» (z Maksimam Hałkinym), zaznačaje RBK
«Spačatku budzie Sud»: Uładzimir Zialenski rezka adkazaŭ Pucinu nakont jaho apošnich inicyjatyŭ
