Eks-kiraŭnik Kanstytucyjnaha suda Ukrainy Stanisłaŭ Šaŭčuk prakamientavaŭ svajo adchileńnie ad pasady staršyni suda. Jon zajaviŭ, što havorka idzie pra antykanstytucyjny pieravarot, za jakim staić Piatro Parašenka.
«Siońnia adbyŭsia antykanstytucyjny pieravarot u Kanstytucyjnym Sudzie Ukrainy i zachop dziaržaŭnaj ułady z boku asob, jakija zajmali pasady sudździaŭ Kanstytucyjnaha Suda Ukrainy», — napisaŭ Šaŭčuk na svajoj staroncy ŭ Facebook.
Sudździa ličyć, što jaho kalehi «ździejśnili ciažkaje kryminalnaje złačynstva, źviazanaje sa źviaržeńniem kanstytucyjnaha ładu».
Pry hetym, na dumku Šaŭčuka, «pieravarot adbyŭsia ŭ śpiešcy, z hrubymi i aburalnymi parušeńniami».
«Biezumoŭna, što za hetym złačynstvam staić Parašenka, jaki atrymaŭ najbolšuju vyhadu i prykładaje ŭsie namahańni dla ŭtrymańnia ŭłady šlacham zachavańnia kantrolu nad hałoŭnymi dziaržaŭnymi instytutami», — napisaŭ eks-kiraŭnik KS.
Šaŭčuk dadaŭ, što «nie źbirajecca zdavacca» i źvierniecca ŭ sud i da pravaachoŭnych orhanaŭ.
Paśla pieramohi na vybarach prezidenta Ukrainy Uładzimira Zialenskaha źjavilisia čutki ab mahčymym zryvie jaho inaŭhuracyi z-za daterminovaha zvalnieńnia Šaŭčuka z pasady kiraŭnika KS.