20 maja śledčyja paviedamili, što mahiloŭski daišnik Jaŭhien Patapovič, jakoha znajšli ŭ lesie miortvym, nie byŭ zabity. Pa viersii SK, heta byŭ suicyd.
Ale ŭ historyi zastałosia šmat niezrazumiełych momantaŭ. Śledčyja tłumačać pavodziny milicyjanta tym, što jon staranna namahaŭsia insceniravać zabojstva.
Tym časam, pačynajuć viravać roznyja teoryi: ad zusim kanśpirałahičnych da banalnych abvinavačvańniaŭ, što śledčyja vyrašyli «prosta zakryć składanuju spravu». Źviazana heta z tym, što bolšaść internet-karystalnikaŭ nie vieryć u aficyjnuju viersiju.
Pakazalnaja apytanka ŭ telehram-kanale Ihara Łosika, adnaho zsamych papularnych błohieraŭ. Prahałasavała bolš za 10 tysiač čałaviek. 94% ź ich nie vierać, što śmierć milicyjanta była samahubstvam.
