president.gov.ua
Prezident Ukrainy Uładzimir Zialenski u dzień inaŭhuracyi pravioŭ sustreču z pradstaŭnikami Biełaha doma, jakija prybyli ŭ Kijeŭ na inaŭhuracyju novaha prezidenta Ukrainy. Jon zaklikaŭ Vašynhton zrabić bolš žorstkimi sankcyi suprać Rasii, havorycca ŭ paviedamleńni pres-słužby ŭkrainskaha prezidenta.
«ZŠA źjaŭlajecca mahutnym i vielmi surjoznym partnioram dla Ukrainy, pierš za ŭsio ŭ pieraadoleńni ahresii Rasii», - źviarnuŭsia Zialenski da amierykanskaj delehacyi. Jon zaŭvažyŭ, što «samastojna pieraadoleć rasijskuju ahresiju na Danbasie i ŭ Krymie» Kijeŭ nie zmoža. «Tamu nam patrebna vaša dapamoha. Chacieŭ by zaklikać vas, kab ZŠA praciahvali ŭzmacnieńnie žorstkaści sankcyj suprać RF», - skazaŭ Zialenski.
Prezident Ukrainy padziakavaŭ Złučanym Štatam za padtrymku ŭ śfiery biaśpieki i nazvaŭ Amieryku prykładam dla demakratyčnych reformaŭ va Ukrainie. «Refarmavańnie Ukrainy ŭ cełym, va ŭsich halinach, budzie adbyvacca nie paśla spynieńnia ahniu na Danbasie, a paralelna. Tamu što nam heta treba. My chočam stać jeŭrapiejskaj krainaj u śfiery kaštoŭnaściaŭ i prazrystaści», - zajaviŭ jon.
U zaklučeńnie Zialenski vykazaŭ nadzieju na sustreču z Donaldam Trampam ŭ najbližejšy čas.