U maładziečanskuju milicyju źviarnułasia 51-hadovaja miascovaja žycharka. Žančyna ŭ fejsbuku paznajomiłasia z zamiežnikam. Mužčyna pradstaviŭsia hienierałam amierykanskaj armii. Pavodle jaho słoŭ, ciapier jon słužyć u Livii, płanuje syści ŭ adstaŭku i pravieści astatak žyćcia sa svajoj kachanaj u cichaj i ŭtulnaj Biełarusi.
Žančyna atrymała čarhovaje paviedamleńnie ad «hienierała». Kab zabiaśpiečyć svajoj damie i sabie karaleŭskaje žyćcio, «vieteran» adpraviŭ joj pasyłku z $1,5 miljarda. Ale «vypadkova» na ŭkrainskaj miažy zatrymali kurjera, jaki pavinien byŭ pieradać pasyłku. Za «skryniu hrošaj» mytni nieabchodna było zapłacić $750, inakš jaje kanfiskujuć. Usie hrašovyja apieracyi «hienierał», dla nadziejnaści, rekamiendavaŭ pravodzić praz bank.
Hetaja situacyja vyklikała sumnieńni ŭ žančyny. Płacić hrošy jana admoviłasia. Tady «hienierał» pierajšoŭ da ŭltymatumaŭ.
IP-adras, adkul pisaŭ tak zvany amierykanski hienierał, znachodzicca pa-za miežami Biełarusi.
