Arhanizatary cyrymonii adkryćcia II Jeŭrapiejskich hulniaŭ nadaduć uvahu historyi i kultury Biełarusi, piša BiełTA
Padčas malaŭničaha šou na stadyjonie «Dynama» zapłanavana kala vaśmi mastackich błokaŭ. Kožny ź ich pryśviečany jakoj-niebudź temie, naprykład, padańniaŭ i lehiend, siaredniaviečnamu minułamu Biełarusi. U scenary šou nadajecca ŭvaha tvorčaści biełaruskich litarataraŭ, siarod jakich Janka Kupała, Jakub Kołas, Maksim Bahdanovič, Jan Barščeŭski, a taksama ab dziejnaści Jeŭfrasińni Połackaj, Usiasłava Čaradzieja, Francyska Skaryny. U chodzie šou buduć raskrytyja jarkija i słaŭnyja staronki biełaruskaj historyi.
Hienieralnaja repietycyja šou projdzie na stadyjonie «Dynama» 19 červienia. Padčas cyrymonii adkryćcia 21 červienia vystupiać opiernaja śpiavačka Hanna Niatrebka i papularny śpiavak Dzimaš Kudajbierhien z Kazachstana.
