Amierykanskija vajskoŭcy paviedamili pra fotazdymki i videa, ź jakich vynikaje, što iranskija siłaviki mieli dačynieńnie da padryvu dvuch tankieraŭ u Amanskaj zatocy.
U.S. Central Command / AP
U paviedamleńni Centralnaha kamandavańnia ŭzbrojenych sił ZŠA, na jakoje spasyłajecca ahienctva Reuters, pryvodzicca videazapis. Śćviardžajecca, što na joj možna ŭbačyć vajennasłužačych Revalucyjnaj hvardyi Irana, jakija zdymajuć nierazarvanuju minu z korpusa adnaho z tankieraŭ u Amanskaj zatocy.
Vajskoŭcy śćviardžajuć, što patrulny katar iranskaj Revalucyjnaj hvardyi źniaŭ vybuchoŭku z karabla Kokuka Courageous, jaki raniej byŭ paškodžany vybucham.
Zapis raspaŭsiudziŭ u tym liku i telekanał CNN.
Raniej u Dziaržaŭnym departamiencie ZŠA zajavili, što mienavita Iran staić za padryvam dvuch tankieraŭ na vychadzie ź Piersidskaj zatoki. U vyniku napadu abodva karabli byli surjozna paškodžany. Ich ekipažy ŭdałosia evakuiravać.
