U Lidzie troje chłopcaŭ, starejšamu ź jakich 18 hadoŭ, vyrašyli pravieryć pilnaść milicyjanieraŭ. Dla hetaha jany razyhrali pierad pravaachoŭnikami scenku, u jakoj adzin padletak nibyta zabivaje druhoha.
Fota: pvlida.by
Starejšy padletak u kampanii viadzie svoj YouTube-kanał i pazicyjanuje siabie jak błohier.
«Svaich padpisčykaŭ pryciahvaje tym, što praviaraje reakcyju supracoŭnikaŭ roznych ekstranych słužbaŭ. Tak, u adnym sa zmantavanych videa jon nibyta pje vino pobač z budynkam Lidskaha RAUS i ździŭlajecca, što nichto z vartavych paradku na heta nie reahuje. U inšym siužecie ŭ jaho «zdarajecca» prystup epilepsii ŭ kramie: jon padaje na padłohu, z rota idzie piena», — piša pvlida.by.
Na hety raz chłopcy vyrašyli pravieryć reakcyju milicyjanieraŭ na zabojstva. Pa scenary «zabojca» z nažom pavinien byŭ hnacca za «achviaraj», pavalić jaje na ziamlu pobač ź milicyjanierami, nanieści kołata-rezanyja rany i pasprabavać uciačy. Padletki papiarednie parezali na kavałački majku, a ŭ jakaści «kryvi» vykarystoŭvali čyrvonaje vino.
Fota: pvlida.by
Reakcyja pravaachoŭnikaŭ na «złačynstva» była imhniennaja. Usich chłopcaŭ zatrymali.
Fota: pvlida.by
Adnaho z kampanii pastavili na ŭlik u inśpiekcyju pa spravach niepaŭnaletnich, astatnich aštrafavali.
