Pra heta paviedamiŭ BIEŁTA pieršy namieśnik načalnika hałoŭnaha ŭpraŭleńnia pa achovie zdaroŭja Bresckaha abłvykankama Andrej Karnialuk.
Siońnia ŭ stacyjanarach na lačeńni zastajucca 16 čałaviek, u tym liku 7 — u Kamianieckaj centralnaj rajonnaj balnicy, 9 — u Bresckaj abłasnoj balnicy. Stan apošnich miedyki aceńvajuć jak ciažki.
«Paciarpiełym dapamoha była akazana svoječasova i ŭ poŭnym abjomie. Praviedzieny ahlady ŭsich pacyjentaŭ z udziełam abłasnych i respublikanskich śpiecyjalistaŭ. Na ŭsich etapach lačeńnia vykananyja nieabchodnyja ŭmiašańni, uklučajučy miedykamientoznaje i chirurhičnaje», - A Karnialuk.
Darožna-transpartnaje zdareńnie adbyłosia 21 červienia pryblizna ŭ 9.00 u ahraharadku Vidamla: aŭtamabil DAF z paŭpryčepam prataraniŭ maršrutku, jakaja pieravoziła pasažyraŭ pa maršrucie Kamianiec — Brest. U vyniku DTZ cialesnyja paškodžańni roznaj stupieni ciažkaści atrymali 20 pasažyraŭ i kiroŭca maršrutki.
Praź niekalki hadzin adna pasažyrka ad atrymanych traŭmaŭ pamierła ŭ apieracyjnaj.
